@PURE

　　這本《賈斯柏的夏日謎猜》按鎮長的查某囝tī樹林內吊死開始講起，自早前開始就hō͘人當作歹囡仔來看待的賈斯柏，煩惱講家己會冤枉hō͘人，為著找人共伊幫忙，煞闖入男主角平靜的生活當中。m̄閣若欲將這本冊叫做推理小說，其實內底講的嘛攏是少年仔的成長佮濟。


　　自彼陣開始，in兩人的生活有了誠大的改變，過去他所熟識的世界佮觀點直直改變，伊以為的「好人」的心內嘛有黑暗的一面，伊所以為的正義煞因此無法度伸張，他嘛對一開始的lám弱，到後來漸漸會使家己思考真相，興趣是讀冊的伊，除了會為著自己認為是正確的代誌徛出來，閤用文字不斷反省在走找真相當中煞欺騙家己所愛的人的痛苦。故事tī一場大火中結束，內底少年少女的青春歲月嘛化作火灰。
　　故事當中上介hō͘我印象誠深的部分是主角面對遮的事件的思考；一段「失禮」的描寫，「失禮」是好人說的好話，干焦有好人才知影自己踏錯步，愛有勇氣，才有法度佮人賠失禮，這句話閤代表阮感覺著別人痛苦的心情，嘛感覺著家己的，所以講伊將咱綁作伙，hō͘咱雙方攏受到傷害，......「失禮」有時陣是安搭家己的罪惡感，毋閤「失禮」其實佮你無關係，欲接受否就愛看人。看著這款對點的描寫，hō͘人驚惶，甘是咱所有人，攏無法度避免著變作主角所講的「可能是迴路系統有叨位壞去，抑是心破一个空，煞無法度感受這句話，無法度講出喙」的人咧？